Home Избори 2014 Груевски до Заев: Ако загубиш во Струмица ќе си поднесеш ли оставка

Груевски до Заев: Ако загубиш во Струмица ќе си поднесеш ли оставка

38
0
SHARE

Лидерот на ВМРО-ДПМНЕ, Никола Груевски на вечерашниот митинг во Куманово јавно му постави прашање на претседателот на СДСМ Зоран Заев.

„Еве, јавно го прашувам, ако тој изгуби во Струмица на 27-ми април дали е подготвен уште вечерта да си поднесе оставка од функцијата градоначалник. Во моментот кога граѓаните ќе гласаат за поддршка на ВМРО-ДПМНЕ и Коалицијата „За подобра Македонија“ дали Заев е подготвен да си замине. Ајде да видиме дали сега ќе слушне или пак нема да му се слуша“, рече Груевски.

Тој нагласи дека неколу пати досега јавно го повикал Заев да си поднесе оставка од градоначалничката функција ако бил толку убеден дека ќе биде идниот премиер и на тој начин да ја покажел својата сигурност, но како што рече Груевски, Заев молчел.

Груевски додаде дека СДСМ и Заев уште сега знаат што народот мисли и колку е подготвен да им ја даде довербата, па уште сега размислуваат да објават дека нема да ги признаат резултатите во недела навечер.

„Таквите размислувања и таквите чекори на непризнавање резултати и излегување на улица наместо честитање на победата на противникот укажува на недостаток на политичка и државотворна зрелоста, таквите чекори ќе направат само штета на Македонија“, рече  Груевски.

Претседателот на ВМРО-ДПМНЕ потсети дека СДСМ цели 9 години губат на изборите во седум изборни циклуси, а се поизвесно е дека и на овие избори ќе имаат двоен пораз.

LEAVE A REPLY

Please enter your comment!
Please enter your name here